食鹽多過食米

我很少機會乘巴士，因為時間關係大多都會乘搭港鐵（還是喜歡叫地鐵）。今天在巴士上遇到三個年屆六十五的婆婆，她們說起領綜援的問題：

「果個阿伯每個月綜援有成萬四蚊，真係好過打工呀！佢先五十幾歲，ｄ仔女又去晒外國讀書，佢得閒就去飲下茶，再唔係就返大陸搵女仔，不知幾清閒。最近先娶左個十六歲ｏ既老婆，個女仔咁後生梗係要搵食啦，不過佢咪又係咁得閒，仲有錢飲下酒咁。但係我識得一個女人，佢搵埋搵埋幾千蚊，但係一個女人要養幾個仔女，仲話要養埋ｏ係大陸ｏ既老豆老母，點夠食丫！佢之前申請過綜援，但係又唔批，都唔知ｄ政府官員點做野架，應該查ｏ既又唔查，ｄ官員真係仆直架！」

「哩個世界係咁架囉！忠忠直直，終需乞食；奸奸狡狡，朝食晚飽嘛。」

～～．．．

不久之前聽說過政府的扶貧政策有很大漏洞，今天又聽到這幾個婆婆的說話，想起「同人不同命，同傘不同柄」這句俗語。其實大家的理想都不同，大家所持的指標都不同，只要懂得這世界的「遊戲」規則，願意放下面子尊嚴，在香港能三餐溫飽應該不難。不過人各有志，我們又接受一輩子過著悠閒生活的人生嗎？

p.s.此圖片有些「鬆郁朦」，不過沒關係吧。