信任vs放任

昨天在「牡丹樓」聽到三個女生在傾訴感情事。所謂「三個女人一個墟」，陪身旁那位吃薯條之餘，當然就花些少集中力於這三個女生的說話之上：

「我懷疑我男朋友唔單止得我一個女朋友。最初同佢一齊，佢已經話咩大時大節都唔洗預同佢慶祝，話果ｄ時間都會陪屋企人。之後生日前一個月，佢已經話有friend約定左，完全無預我會陪佢過生日。最近發現佢facebook有ｄ相係同另一個女仔一齊影ｏ既，仲幾親密添呀！」

「咁你有無問過佢，個女仔係邊個呀？」

「佢叫我唔好亂諗野，仲話我成日管住佢。我男朋友姓陳，個女仔姓溫架喎，點睇都唔係親戚啦！」

「咁你仲想唔想同佢一齊呀？」

「我都唔知自己想點呀，以前ｄ男朋友對我好，我又唔鍾意，都唔知我係咪咁犯賤。」

「係咁架喇，佢對你好就搞到你覺得理所當然咁；佢對你唔好，咪釣住你條引囉。」

～～．．．

聽到這裡，我再沒有留心下去，因為聽下去都沒意思。曾經有男生跟我說過，這些男生隱瞞女生的原因都是不想女生為此傷心，不過與其隱瞞，為甚麼最初又要做這些會令女生們傷心的事情呢？兩個人之間應該存在信任，但請不要利用這種信任變成自己的放任。是因為有這種人存在，才會令這些曾經被傷害的女生不再相信愛情，起碼，我認為這是其中一個重要成因。

想得太多，說話太多了嗎？